ទំព័រដើម

សកម្មភាពប្រឡងអនុវត្ត ( OSCE ) បញ្ចប់កាសិក្សាផ្ទៃក្នុងលើកទី១ របស់និស្សិតថ្នាក់បរិញ្ញាបត្រ គិលានុបដ្ឋាក ឆ្មប ជំនាន់ទី២៣ នៃសាលាមធ្យមសិក្សាសុខាភិបាលភូមិភាគកំពង់ចាម សម្រាប់ថ្ងៃទៅ២ (11 សីហា 2026 )

នៅព្រឹកថ្ងៃចន្ទ ១១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦ សាលាមធ្យមសិក្សាសុខាភិបាលភូមិភាគកំពង់ចាមបានរៀបចំការប្រឡងបញ្ចប់ការសិក្សាផ្ទៃក្នុងលើកទី១របស់និស្សិតបរិញ្ញបត្រគិលានុបដ្ឋាក-ឆ្មប (ជំនាន់ទី២៣) មុនដំណើរការប្រឡងមានការបើកកិច្ចប្រជុំគណៈកម្មាធិការ និងអនុគណកម្ម្មការ នានា ក្រោមអធិបតីភាព លោកសាស្រ្តាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម ដោយមានការចូលរួមពីលោកស្រី ស៊ឹម សុមន្ថា និងកញ្ញា ហេង វិច្ឆិកា ជាមន្រ្តីនាយកដ្ឋានអភិវឌ្ឍន៍ធនធានមនុស្សនៃក្រសួងសុខាភិបាល ជាគណៈកម្មការត្រួតពិនិត្យការប្រឡង ។ ជាកិច្ចបន្ទាប់មានការពិនិត្យបន្ទប់ប្រឡងអនុវត្តមុនពេលដំណើរការប្រឡង ដោយមានការបែកចែកនិស្សិតថ្នាក់បរិញ្ញាបត្រគិលានុបដ្ឋាក ឆ្មប មានចំនួន ២០នាក់ ចេញជា០៤ក្រុមត្រូវអនុវត្តចំនួន៥ស្ថានីយ៍ រួមមាន ៖ ១. ស្ថានីយ៍ទី១ ៖

ចាប់ពីថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦លោក លោកស្រីដែលជាគ្រូបណ្តុះបណ្តាលផ្នែកបរិញ្ញាបត្ររងគិលានុបដ្ឋាក បានចុះតាមដានសហការណ៍បង្រៀន និងវាយតម្លៃនិស្សិតបរិញ្ញាបត្ររងគិលានុបដ្ឋាកឆ្នាំទី៣ ជំនាន់ទី២៧ ធ្វើកម្មសិក្សាអន្តេវាសិក និងជួបប្រជុំពិភាក្សាអំពីការអនុវត្តទម្រង់ការមួយចំនួនដែលនៅខ្វះចន្លោះដើម្បីបំពេញបង្គ្រប់ នៅតាមបណ្តាមន្ទីពេទ្យបង្អែកដែលស្ថិតនៅក្រោមការគ្របដណ្តប់របស់ភូមិភាគកំពង់ចាម រួមមាន ៖ ១/ មន្ទីរពេទ្យបង្អែកព្រះស្តេច ខេត្តព្រៃវែង ២/ មន្ទីរពេទ្យបង្អែកជីភូ ខេត្តស្វាយរៀង ៣/ មន្ទីរពេទ្យបង្អែកពារាំងខេត្តព្រៃវែង ៤ / មន្ទីរពេទ្យបង្អែកខេត្តស្វាយរៀង

ព្រឹកថ្ងៃចន្ទ៦កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦ នៅសាលាប្រជុំ ២០២៦ នៃសាលាមធ្យមសិក្សាសុខាភិបាលភូមិភាគកំពង់ចាម បានរៀបចំពិធីផ្សព្វផ្សាយច្បាប់ស្តីពីការប្រឆាំងអំពើពុករលួយ និងច្បាប់ស្តីពីវិសោធនកម្មច្បាប់ប្រឆាំងអំពើពុករលួយ ក្រោមអធិបតីភាពដ៏ខ្ពង់ខ្ពស់ ឯកឧត្តម នួន សុធិមន្ត ឧបការី នៃអង្គភាពប្រឆាំងអំពើពុករលួយ ដោយមានការអញ្ជើញចូលរួមពីថ្នាក់ដឹកនាំ មន្ត្រីសាលា និងលោកគ្រូ អ្នកគ្រូអញ្ជើញមកពីមន្ទីរពេទ្យ សរុបចំនួន ៤៦រូប ស្រីចំនួន ២០រូប ។

ថ្ងៃសុក្រ ៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាអនុប្រធានអចិន្ត្រៃយ៏ក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម បានអញ្ជើញបើក នឹងដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅបន្តរបស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម ។

ឯកឧត្តម អ៊ុន ចាន់ដា ចុះពិនិត្យស្ថានភាពបង្កបង្កើនផល និងសួរសុខទុក្ខប្រជាកសិករ នៅស្រុកចំការលើ កំពង់ចាម៖ នាថ្ងៃទី១៦ ខែកក្កដា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារថ្នាក់ខេត្ត មន្ទីរ-អង្គភាពជំនាញ អាជ្ញាធរមូលដ្ឋាន និងមន្ត្រីពាក់ព័ន្ធ ចុះជួបសំណេះសំណាល សួរសុខទុក្ខ និងពិនិត្យស្ថានភាពបង្កបង្កើនផលជាក់ស្ដែងរបស់បងប្អូនប្រជាកសិករ ដែលកំពុងរស់នៅក្នុងឃុំតាប្រុក ស្រុកចំការលើ ខេត្តកំពង់ចាម។

ថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦ ឯកឧត្តមអ៊ុន ចាន់ដា អភិបាលនៃគណៈអភិបាលខេត្តកំពង់ចាមបានអញ្ជើញជាអធិបតីដ៏ខ្ពង់ខ្ពស់ក្នុងអបអរសាទរ​ បើកពិធីយុទ្ធនាការប្រយុទ្ធនឹងជំងឺគ្រុនឈាមនៅស្រុកចំការលើខេត្តកំពង់ចាម ។ ជំងឺគ្រុនឈាម គឺជាជំងឺដែលឆ្លងតាមរយៈមូសខ្លា ដែលអាចបង្កឱ្យមានផលប៉ះពាល់ធ្ងន់ធ្ងរដល់សុខភាព និងអាយុជីវិត ប្រសិនបើមិនបានព្យាបាលទាន់ពេលវេលា​ ឫព្យាបាលមិនបានត្រឹមត្រូវ។ ប្រសិនបើបងប្អូនមានកូនចៅដែលក្តៅខ្លួនចាប់ពី ៣៩ទៅ៤០អង្សាសេ ឡើងទៅចាំបាច់ត្រូវមករកមណ្ឌលសុខភាពឬ មន្ទីរពេទ្យបង្អែកដែលនៅជិតទីកន្លែងរបស់បងប្អូន ។

ខេត្តកំពង់ចាម៖ នៅព្រឹកថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ លោកសាស្រ្តាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានអញ្ជើញជាធិបតីភាពក្នុងពិធីបើកវគ្គបណ្តុះបណ្តាល “គ្រូកម្មសិក្សាមន្ទីរពេទ្យផ្នែកឆ្មប(Midwives Preceptor Training Course)” ដែលរៀបចំដោយសាលាមធ្យមសិក្សាសុខាភិបាលភូមិភាគកំពង់ចាម ក្រោមជំនួយឧបត្ថម្ភគាំទ្រពីគម្រោង SPESHP នៅសាលាមធ្យមសិក្សាសុខាភិបាលភូមិភាគកំពង់ចាម។ ក្នុងឱកាសនោះ លោកសាស្រ្តាចារ្យជំនួយ ប៉ែន ម៉ារឌី បានកោតសរសើរដល់ការិយាល័យបច្ចេកទេស និងផ្នែកបណ្តុះបណ្តាលឆ្មប ដែលបានបង្កើតវគ្គបណ្តុះបណ្តាលនេះឡើង ស្របតាមតម្រូវការចាំបាច់របស់សាលា ព្រមទាំងសង្ឃឹមយ៉ាងមុតមាំថា សិក្ខាកាមទាំងអស់ត្រូវយកចិត្តទុកដាក់ក្នុងការសិក្សារៀនសូត្រ និងយកចំណេះដឹង ជំនាញដែលទទួលបានក្នុងវគ្គបណ្តុះបណ្តាលនេះ យកទៅបង្ហាត់បង្រៀន និងវាយតម្លៃនិស្សិតអំឡុងពេលចុះកម្មសិក្សាគ្លីនិកប្រកបដោយតម្លាភាព ដើម្បីរួមគ្នាក្នុងការអភិវឌ្ឍមូលធនមនុស្សស្របតាមយុទ្ធសាស្រ្តបញ្ចកោណដំណាក់កាលទីមួយរបស់រាជរដ្ឋាភិបាល និងផែនការយុទ្ធសាស្រ្តរបស់ក្រសួងសុខាភិបាល។ បញ្ជាក់

ខេត្តមណ្ឌលគិរី៖ នៅព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងទី៦ ខែឧសភា ឆ្នាំ២០២៦ លោកសាស្រ្តាចារ្យជំនួយ ប៉ែន ម៉ារឌី នាយកសាលាមធ្យមសិក្សាសុខាភិបាលភូមិភាគកំពង់ចាម បានអញ្ជើញជាធិបតីភាពក្នុងពិធីបើកសិក្ខាសាលាស្តីពី”ការពិនិត្យមើលគុណភាពបញ្ជីត្រួតពិនិត្យជំនាញ និងសេចក្តីណែនាំអំពីការប្រើប្រាស់បញ្ជីត្រួតពិនិត្យជំនាញ សម្រាប់ប្រឡងបញ្ចប់ការសិក្សាផ្ទៃក្នុងថ្នាក់បរិញ្ញាបត្ររងគិលានុបដ្ឋាក (AND Final exam checklists and Guideline)របស់សាលាមធ្យមសិក្សាសុខាភិបាលភូមិភាគកំពង់ចាម”។ សិក្ខាសាលានេះមានគោលបំណង ពិនិត្យបញ្ជីត្រួតពិនិត្យជំនាញគ្លីនិក និងសេចក្តីណែនាំស្តីពីការប្រើប្រាស់បញ្ជីត្រួតពិនិត្យជំនាញគ្លីនិក (AND final exam Checklist and guideline ) សម្រាប់ប្រឡងបញ្ចប់ការសិក្សាផ្ទៃក្នុងរបស់និស្សិតបរិញ្ញាបត្ររងគិលានុបដ្ឋាកចំនួន ២៧ទម្រង់ការ។ ក្នុងឱកាសពិធីបើកសិក្ខាសាលានេះ លោកសាស្រ្តាចារ្យជំនួយ ប៉ែន ម៉ារឌី បានកោតសរសើរដល់ការិយាល័យបច្ចេកទេស